Aizawl : ZPM thalai president Malsawmzuala Ralte-in Zemabawk local council thiah takah danin a phut anga inthlan that buatsaih a la nih loh avanga Election Commission of India (ECI) hnena hma la tura ziaka a ngenna chu ECI chuan State election commission (SEC) an lo sawipui tur thuin an rawn chhang.
ZPM party thalai president chuan ward committee leh local council rules 2010 (as amended in 2020)-in a sawi angin, Local council ṭhiah a nih atanga ni 60 chhunga inthlan buatsaih tur a nih thu sawiin, Zemabawk local council chu thiah a nih atanga ni 70 chuang a ral hnuah pawh inthat buatsaih a la ni lo tih a sawi a. Election Commission of India-ah hemi chungchang hi ziaka thlenin, a rang lama inthlan buatsaih tura hma la turin a ngen niin a sawi a ni.