ZPM party chuan Hachhek bial khuaten an kuhva thar hralhna kawnga harsatna an tawh chu a rang thei ang bera sutkiansak turin Mizoram sorkar an phut.
Nimina an thuchhuahah Hachhek bial chhunga kuthnathawktuten an thlai thar hralhna kawnga harsatna an tawh chungchangah chief minister hial hmuin an harsatnate ngaihtuah turin an ngen tawh mah se, vawiin thlenga harsatna an la tawk leh lungawi lohna lantirna hial neih ngai khawpa a awm hi pawi an tih thu ZPM hian an sawi.
“Ram chhung mipuite thawhrim rah hralhna ngaihtuahsak chu sawi loh, a phurh chhuahna kawnga an harsatna tawh takngial pawh ching fel thei lo sorkar neih hi a manganthlak tak zet a, kan sorkar hrawn mek hian kuthnathawktute a ngaihsak lohzia lantirnaah kan ngai,” an ti.