Aizawl : Kum 10 chhung (June 2002- September 2022) thlengin Kolasib dist-a thisen endik 84,519 atangin HIV hrik pai hmuhchhuah 1,683 an awm.
Kolasib dist AIDS prevention & control committee-in a tarlan danin, Kum 10 chhunga Kolasib dist-a HIV hrik pai hmuhchhuah 1,683-a zaa 56 chu mipat hmeichhiatna atanga kai an ni a, inchiuna thianghlimlo atanga kai zaa 38, nu naupai atanga inkai zaa 3 an ni.
Kolasib dist chu AIDS vei tamna dist zinga a tel thu leh state luhka a nih avanga HIV hrik darh zel tur ven ngaihpawimawh a tul thu dist committee chuan an sawi a. Sorkar de- ptt. hrang hrang, kohhran, khawtlang leh tlawmngai pawl thawhhona tha a pawimawh thu an sawi bawk.
Dist AIDS prevention & control committee hian AIDS/HIV chungchang inzirtirna zirlaitea uar zawka kalpui dan tur te, kohhran thalai zinga inhrilhhriatna tha zawk buatsaih dan turte, HIV laka thalai an himna tura beihpui ‘Zoram harh rawh campaign’ tun thla ni 24-a an neih tur Kolasib dist thalai tam zawkin HIV/AIDS laka inven nachang leh nunkawng dik an zawhna tura hmalak dan tur te an sawiho bawk a ni.