Brazil President Jair Bolsonaro chuan Pathiannia inthlan result pawm lo truck khalhtuten ram chhung hmun hrang hranga lungawi lohna lantir nana kawngpui an dante chu hawng turin a ngen.
Kawng dangtute hi far-right president thlawptute niin inthlana Lula a chak duh lovin Brazil hmun tam takah kawng an dang.
Bolsonaro chuan kawngpui dan chu duh lohna lantirna atana dan huanga mi a nih loh thu a sawi.
Mipuite chu an duh lohna lantir dan kawng dang dap turin a ti.
Bolsonaro-a thlawptu tam tak chuan president thlan result an pawm lo va, president Luiz Inácio Lula da Silva hian vote tla zinga 50.9% a hmu a ni.
Lorry khalhtute thinrim chuan kawngpui an dang a. Ni thum an dan tawh chhungin thil tam tak a buai a, bungraw kal vel a buai a, ei tur leh tuialhthei inpek kualna thlengin a buai phah.
Police-in kawng dan then tum mah se an ti hleithei lo va, highway police chuan hmun 700 vela kawng dan chu an thian fai tawh tih an sawi.