Country singer Andy Stone-a’n Mariah Carey hla hit, ‘All I Want for Christmas is You’ lakah copyright thubuai a siam chu nimin khan a hlip ta.
Kumin June khan hlaphuah thiam ni bawk Stone hian pop star lakah hian thubuai siamin, he hla tihchuah hma kum ngana vela a thianpa nen an phuah hi Mariah hian a larna hmang tangkaiin, a style thlengin a tihchhiatsak, a ti a ni.
Court hmaah case kalpui mek hi a titawp tih a sawi rualin, a tul dan azira case file nawn leh chu Dan hnuaiah ngaihtuah reng theih tho a ni ang, a ti thung.
Mariah mega-hit, Masi hla hi Masi vuakveta khawvel mipuite playlist langsar leh duh ber zingah a tel pha a, Masi hla siam tawha hit ber zingah a langsar nghe nghe.
Stone hi Vince Vance leh Valianst band angahte Vince Vance tih hmingpuin a inlan thin a, Mariah laka a thubuai siam hi New Orleans federal court-ah a thlen a, tunah chuan case hi a titawp ta a ni.
Thubuai a siamnaah hian $Maktaduai 20 zangnadawmna a phut kha a ni a, an hla thupui (title) hi a inang chiah a, mahse Mariah hian hla hming chungchangah phalna leh remtihna a dil lova, dik lo leh fel lo takin a hlawkna a tel ni ah a puh.