AC Milan tan veteran striker Olivier Giroud bawk a inlar leh a. An chakna chhan lian tak niin kum 2013-14 hnua a vawikhatna atan UEFA Champions League knockout stage an khel dawn.
San Siro-ah Nilaini zanah Milan in FC Salzburg an mikhual a. Milan hian tling turin point khat bak an mamawh tawh lo. Mahse Austrian club hi an chak chuan tling tur an neih avangin inkhel a awlsam lo.
French striker in Milan a dampui thung a, minute 14-naah an goal hmahruai tauh lutin minute 57-naah a khung nawn.
Rade Krunic goal khung tur tauh rem sak bawkin huntawp dawnah Junior Messias chuan an goal li na a khung a, Milan an tling chiang hle.
Milan coach Stefano Pioli chuan, “Hetiang inkhel hi ka suangtuah thin a ni a, tun ang hun kan thlen theih nan hian rim taka thawkin kan bei thin. Season hmasa aiin tun season nasa takin hma kan sawn tih lantir kan duh.” tiin Pioli chuan a sawi.
Benfica in hma an hruai
Group H-ah Paris Saint-Germain aiin Benfica an sang zawk a, group match hnuhnung berah Portuguese club in goal ruk an khung avangin knockout stage draw-ah chan tha zawk an chang dawn.
Benfica hian Sammy Ofer Stadium-ah goal ruk an khung a. 6-1 a hnehna changin an goal hnuhnung ber a pawimawh. He goal avang hian away goal-ah PSG aia sang zawkin group-ah pakhatna an nih phah.
Benfica tan Gonçalo Ramos chuan first half-ah goal khungin second half-ah Petar Musa, Alejandro Grimaldo, Rafa leh Henrique Araújo ten an khung a. Minute 92-naah Joao Mario chuan an goal rukna a khung.
Allianz Stadium-ah Juventus in Paris St-Germain an mikhual a, French club 2-1 in an chak.
Kylian Mbappe gola khung Leonardo Bonucci-a’n a sut hnuah second half-ah Nuno Mendes-a’n PSG tan chakna goal a khung.