Tottenham Hotspur forward Son Heung-min chu a hmaiah hliam a neih avangin zai a ngai dawn a, kumtawp World Cup a khel thei dawn em tih hriat a ni lo.
Thawhlehni zana Champions League a Marseille nen an inkhelh tumin kum 30 mi Son hi a inhliam a. A hliam hi enfiah a nih hnuah zai a ngai.
South Korea hian November 24 hian Uruguay hmachhawnin World Cup a an match hmasa ber an khel ang.
Spurs chuan, “Son hi zai a nih hnuah kan medical staff ten uluk takin an enkawl ang.” tiin an sawi a. An zai hun tur leh a chawlh rei zawng tur erawh an sawilang lo.
South Korea tana vawi 104 khel tawh Son tana beiseina awm erawh Manchester City playmaker Kevin de Bruyne a ni a. 2021 Champions League final-ah a hmaiah Son-a hliam ang deuh hi a nei a. Mahse ni 19 hnuah 2020 European Championship-ah Belgium tan a inkhel leh thei tho.