India cricket team in Men’s T20 World Cup-ah semi-final an hnaih tawh hle a. Nilaini zanah run 5 in Bangladesh an hneh.
Adelaide a inkhel hi ruah avangin a khaihlak a. India in over 20-ah run 184 an siam chu Bangaldesh in Litton Das hova umin over 7 chhungin run 66 an siam hman a, beisei an nei sang.
Mahse ruahin inkhel a tihkhaihlak hnuah Duckworth-Lewis-Stern hman niin chak turin over 16 atang run 151 an mamawh.
Ball 27 atanga run 60 siam Das a out hnuah Bangladesh in a khat tawkin wicket an hloh reng a, 145 bak an tlin lo.
India hian an inkhel hnuhnung berah Zimbabwe an hneh chuan semi-finla khel turin an tling chiang ang.