Aizawl: Congress Thalai MPYCC chuan tun hnaia Lawngtlai leh a chheh vela power & electricity department hnuaia hnathawhna hmuna mi pali lai thihna chungchangah bânna theh lut ngam turin P&E minister an phut.
An thuchhuahah Lawngtlai AOC veng leh Rulkhua khuaa electric man avanga thihna thlen chhante an zir chianin thawktute inthlahdah vangah an ngai a, hei vang hian mahni mawhphurhna ‘moral responsibility’ laa bânna theh lut ngam turin P&E minister an phut thu an sawi.
MPYCC chuan he chhiatna thlen veleh bialtu MLA C Ngunlianchunga’n opposition MLA ni chunga theihtawpa hma a la chu fakawm an tih thu an sawi a. “Chief minister hnena a thu thlen, magisterial inquiry dina a mawhphurtu chhui chhuaka an phu tawk hremna pe tur te, mitthi chhungte hnenah zangnadawmna pawisa fai leh compassionate appointment pek an nih ngei hi Congress |halai chuan Mizoram sorkar hi kan phut tlat a ni,” an ti.