Aam Aadmi Party (AAP) chuan thla lehah Gujarat assembly inthlan atan Isudan Gadhvi chu chief minister atan an vawrh chhuak tih Zirtawpni khan an party national convenor Arvind Kejriwal chuan a puang.
Candidate tur dangte chu state chhunga mipuiten ngaihdan an thehluh atanga an siam tur thu a sawi a. National General Secretary Gadhvi, an state unit President Gopal Italia leh General Secretary Manoj Soratihya te chu chief minister atana candidate tura rinkai zinga mi an ni.
Kejriwal chuan kum 40 mi, Gadhvi-a hian party-in poll a lakah vote tla 73% zet a hmu tih a sawi a. Dwarka district-a Pipaliya khuaa lo neitu chhungkua atanga chawr chhuak, Gadhvi-a hi other backward castes zinga mi a ni a, OBC hi an state mipui 48% zet an ni.