Aizawl : MZP general headquarters executive committee chu nimin khan an thu- khawm a. MPSC leh MSSSB hnuaia hnalak chungchang ngaihtuahhovin, secretary hrang hrang an ruat bawk.
Tunhnaia Mizoram public service commission (MPSC) leh Mizoram subordinate se- rvices selection board (MSSSB) hnuaia hna hrang hrang lakah hnamdang hming a lang zeuh zeuh nia sawiin, MZP chuan hei hi an la thu takin, pawi an ti hle tih an sawi a. Mizoram chhunga hnathawk tur hrang hrang lakah a ram leilungfa zinga tling leh tlak an awm chuan duhsak hmasa ngei turin thuneitute an phut.
Nimina MZP executive committee thukh- awm chuan MZP hnuaia secretary hrang hr- ang an ruat a. Secretary i/c Education atan F. Lalduhkima; Social & Culture-ah Nangsawmthanga; Organisation-ah R. Lalkhawngaiha; Information-ah Lalentlinga; Publicity-ah H. Lalthuthlunga Zate; External-ah F. Lalmuanpuia; Environ- ment & Sanitation-ah C. Lalhmingsanga; Establishment-ah Zairemthanga; Sports & Adventure-ah PS. Muana; Property & Library-ah Golden Lalnunhlima te ruatin, MZP Chanchinbu Editor atan David Lalromawia an ruat bawk.
MZP chuan kumdang ang bawkin tun thla ni 28-ah Mizo zirlaite tan MZP Inter high school quiz buatsaih leh an tum bawk a ni.