Aizawl : ZPM party thalaiin “Kawlphethain a man avanga nunna chan awm leh thin chu deptt. inenkawlna fel lo vang a ni” tiin, P&E Minister R Lalzirliana chu a Deptt. chan enkawl zo lova puhin bang turin an phut.
Kumin October ni 14-ah P&E Deptt-in an ngenna avanga P&E Deptt. puia Lawngtlai district-a Rulkual khawtlâng hnatlang zing ami kawlphetha tihnun hnan an nih avangin mi pathumin nunna an chan tawh thu ZPM thalai chuan an sawi a. Lawngtlai district-ah tho electric line siamtu Francis Rochungnunga, Cheural khuain kawlphetha tihnun hnan a nih avang thova nunna a chan leh chu pawi an tih thu sawi.
Kawlphetha tihnun hnan an nih avanga district pakhat huam chhunga thla 1 chhûnga mi pali-in nunna an chân chu deptt. inenkawlna felloh vanga thleng nia an ngaih thu ZPM thalai chuan an sawi a. “Mawh latu ber tur chu P&E Minister a ni, a deptt. chan enkawl zolotu Pu R. Lalzirliana hi a rang thei ang bera P&E Minister a nihna bansan turin kan phut” an ti bawk.