Aizawl : National conference of Persons with Disabilities (PwD) Icons for Accessible Elections hmasaber chu Zirtawpni kalta khan Election Commission of India (ECI) buatsaihin Rang Bhavan, New Delhi-ah neih a ni.
Chief Election Commissioner Rajiv Kumar leh Election Commissioner Anup Chandra Pandey te kaihhruai National conference of PwD Icons for Accessible Elections hi Aizawla NIC studio atangin Jt. CEO David L Pachuau, Asst. CEO Laldinfeli bakah State PwD Icon J.Thankima College-a Asst. Prof. Lalbuatsaiha te pawhin lo chhim ve in, sawihona hunah Lalbuatsaiha’n thu a sawi ve bawk.
CEC Rajiv Kumar chuan ECI chuan mitinte banphak leh tel ve theihna kawng engkimah nih an tum thu a sawi a. ECI-in pianphunga rualbanlote banphak inthlanpui buatsaih a nih theihna tura a hmalakna hrang hrangte sawiin, he conference-a rawtna hrang hrang te chu ngaihtuah zui a nih tur thu a sawi.