Hmeichhia a ni e! Alia Bhatt leh Ranbir Kapoor te fatir chuan khawvel eng a rawn hmu ta a, social media lama a darh hluai atanga reiloteah Alia hian khawvel hriatah a puang.
Instagram-ah, “Kan nuna chanchin lawmawm leh tha ber ni hial turin fatir pekin kan awm ta.. Hmeichhia a ni a, kan lawm ngawih ngawih,” a ti.
Thlalak a dahchhuah ah Lion family chiang taka hmuh theih a ni a, nu leh pate hmangaihna duhawm tak kar atanga lo piang hian chhungte leh thiante duat rawn a hlawh dawn tih a chiang.
Follower te, thiantha leh chhungte chuan social media lamah lawmpuina an hlan mawlh mawlh reng a, Ranbir te chhungkuaah hlimna leh lawmna sawifiah thiam rual loh a thleng.