Kum 6 zet ni leh ni lo inkara an awm hnu-a inthen fel ta Selena Gomez leh Justin Biber te inkar kha rimawi khawvel titi tui ber pawl a ni thin a. Tunah chuan an inthenna hrehawm tak kha a hun tawna thil tha ber a nih thu Selena chuan a sawichhuak.
Apple documentary thar, ‘Selena Gomez: My Mind & Me’ -ah Gomez chuan, “Kan inkar kha tlang hriat vek a ni a, inthenna vanga rilrunatna tawpkhawk ka paltlan chu a ni chiang mai a, ka mit sulh a ni ber mai, engkim mai kha a buai nuai takzet. Mahse, kha kha ka nuna thil thleng tur atana ka mamawh ngawih ngawih niin ka hre tlat mai. A tawpah phei chuan ka nuna thil thleng tha ber leh ka tan pawha thil tha em em mai hi a lo ni reng mai, ka dil loh zawk malsawmna a ni” a ti bawk.
A nihn takah chuan JB nena an inthen lai khan kum lamah pawh la naupang tak, rimawi leh lemchan khawvela hriatlar ni mah se, phatsan leh kalsan nihna kha atan tawrh harsa leh hrehawm tak a tling.
Inngaizawng leh induh tak an nih lai leh khawvelin inkawp rem leh awhawm tak nia an ngaih thup laiin, JB hian a kalsan thut mai a, Selena tan tawrh thiam a har a, rilru lnga ngawih ngawihin a hun tam zawk a hman phah a, hun rei tak phei kha chu lainatawm tak a ni.