Tun hnaia Lawngtlai-a electric man vanga vanduaina thleng chungchang-ah MNF Thalai chuan P&E Minister R Lalzirliana hmalakna an chhuan thu an sawi.
November 3, 2022-a Lawngtlai AOC venga P&E hnuaia hnathawk Francis Rochungnunga, chu power line chhia a siam laia electric current man avanga boral ta chu pawi an tih thu an sawi a. He thil thleng hi P&E Minister R Lalzirliana’n a hriat veleh a mawhphurtute zawn chhuah chung-changah hma la nghalin, mawhphurtua puh P&E SDO suspend nghal a ni leh control room-a duty pawh thubuai siamsak nghal a nih avangin, huaisen leh chak taka hma a lakna an thlawp thu an sawi.
He thil thleng bakah Rulkual lama current man avanga thi te cable TV kaltlangin mipui hmaah P&E Minister in pawi a tihzia sawia, cyber crime hial ruaia fimkhur lo taka thil tihfo hi a duh lohzia thlenga a sawi mek laia, eptu party te’n a mawhphurhna laa bang tura an phut chu politics thila in itsikna mai niah an ngaih thu an sawi bawk.