Manipur Chief Minister N. Biren Singh chuan hmeichhia pawngsualtua puh mipa pakhat hnenah sorkar hna an pe dawn.
Thoudam Jibal Singh-a hi kum 2013 khan tual chhung court pakhat chuan research ti lai hmeichhia pawngsualah a lo puh tawh a ni.
“Tihsual a nei lo. Kum 8 teh meuh dik lo taka tan ina khung a ni a, a chenna in pawh mipui lungawi loten an halsak tawh a. Chuvangin, sorkar hna pek a ni ang,” tiin chief minister hian a sawi.
Thoudam Jibal Singh hi Sajiwa Central Jail-ah kum 8 chhung pawngsual leh tualthah thubuaiah tantir a ni tawh a. Regional Institute of Medical Sciences (RIMS)-a Pathology Department-ah research ti lai hmeichhia pawngsuala puh a ni.
Hmeichhe ruang hi a bo hnu atanga ni reiloteah Wangkhei Loumanbi Loukol luiah chhar a ni.
Thawhtanni khan chief minister hian Thoudam-te chhungkua hi tlawhin forest department hnuaiah hna pek a tiam a ni.
Kum 2013-a pawngsual leh tualthah thubuai hi a chhuituten an uluk tawk loh avangin rinhlelh leh tualthattu mumal taka chhui chhuah a awm lo.