Barcelona legend Gerard Pique chuan professional football a chawlhsan dawn a, Pathianni zanah Camp Nou mipui mittui nen a mangtha.
Kum 35 mi defender Pique hian Thawhlehni zana Osasuna an tlawh zawhah football a chawlhsan tawh dawn. Tun kartawpah Almeria lakah inkhel bul tanin minute 84-naah lakchhuah a ni a. Mittui nen khelmual chhuahsanin a teammate te leh Barca bench zawng zawngin an thlah.
Barca tana vawi 616 inkhel tawh Pique hian an hnena a cham chhungin trophy 30 a chawi hman.
“He hmunah hian ka piang a, he hmunah ngei hian min zalh leh bawk ang.”
“Kan kum a upat ve zel hian thil thenkhatte kan kalsan a ngai tih kan hre thar thin. Mahse helaiah hian engtin emaw tak chuan ka lo kir leh ang tih hi ka hria.”
“Barcelona hi ka hmangaih a, hei vang tak hian tun hun hi ka tan ka kal hun a ni tih ka hria. Mahse inhmu tawh lo tura in mangtha na erawh a ni lo.” tiin Camp Nou mipui a thlah.
Spain tana vawi 102 inkhel tawh Pique hi 2010 World Cup leh Euro 2012 an chawina kawnga mi tangkai a ni a. Barcelona chanchin a inkhel hnem ber pangana niin a chung a awm pali – Lionel Messi (778), manager Xavi Hernandez (767), current Barca midfielder Sergio Busquets (694) leh Andres Iniesta (674) te a khelhpui hman vek.
Alemrica nena an inkhelah barcelona hian inkhel tan tir lamah penalty an hlawhchhuak a. Pique hi pet tura an duh laiin Robert Lewandowski chu pet turin a ti.
Polish striker in goal ban pet per mahse second half-ah Ousmane Dembele leh Frenkie de Jong ten goal an khung a. Barca in league-ah hma an hruai phah.