Brazil in Qatar a World Cup khel tur player 26 an puang a. Forward tha rual ko hnem Tite-a pawlte player thlan dan in ngaihven a hlawh.
Brazil squad-ah hian Premier League a player hlauhawm ber zing ami ni mek Arsenal forward Gabriel Martinelli chu ko a ni a, Liverpool tana tun season a goal pawimawh khung leh thin Roberto Firmino erawh ram tana kirna hun siamsak a la ni leh lo.
Kum 21 mi Martinelli hian Premier League match 13 atangin goal nga a khung a, kum 31 mi Firmino hian game 12 atang goal ruk a khung.
September thla a ko a nih loh hnuah striker Gabriel Jesus pawh ko a ni a, centre-half pali chauh an ko zingah Arsenal defender Gabriel Magalhaes a lang pha lo.
Brazil hian November 24 hian Group G-ah Serbia hmachhawnin bul an tan dawn a, Switzerland leh Cameroon te nen group khatah an awm.
Player thlan zinga sawi hlawh leh bawk chu Dani Alves a ni a, kum 39 mi ni tawhin Mexican club Pumas tan khelin September thla hnuah khelmual chhung a la lut leh lo.
Brazil coach Tite-a’n forward a ko hnem hle a. A laiah Tottenham forward Richarlison leh Flamengo striker Pedro te thlawp turin Antony, Neymar, Vinicius Jr., Rodrygo leh Raphinha te pawh a ko tel.
Brazil squad
Goalkeepers: Alisson (Liverpool), Ederson (Manchester City), Weverton (Palmeiras)
Defenders: Dani Alves (UNAM), Danilo (Juventus), Alex Sandro (Juventus), Alex Telles (Sevilla), Bremer (Juventus), Eder Militao (Real Madrid), Marquinhos (PSG), Thiago Silva (Chelsea)
Midfielders: Casemiro (Manchester United), Everton Ribeiro (Flamengo), Bruno Guimaraes (Newcastle), Fabinho (Liverpool), Fred (Manchester United), Lucas Paqueta (West Ham)
Forwards: Antony (Manchester United), Gabriel Jesus (Arsenal), Gabriel Martinelli (Arsenal), Neymar (PSG), Pedro (Flamengo), Raphinha (Barcelona), Rodrygo (Real Madrid), Richarlison (Tottenham Hotspur), Vinicius Jr (Real Madrid)