Lawngtlai district chhung, Hmawngbuchhuah khuaa silai keng mi pathum hmaituama lut ten mipa pakhat, nupui nei hlim an hruaibo.
Thudawnnain a sawi danin, Lawngtlai atanga KM 86 vela hla, Myanmar ramri hnaiha awm Hmawngbuchhuah khuaah hian tunkar Thawhtanni tlai thimhlim khan silai keng mi pathum chu hmaituamin an lut a. Tun thla ni 6-a nupui nei, Rachathaimo chu an hruaibo a. Misualin an hruaibo Rachathai-mo hi Tripura lam chhuak niin, Hmawngbuchhuahah hian Pathianni khan nupui a nei a, a tuk Thawhtanniah a nupui u te in-a an chaw ei haw lam chu misual te nen hian an intawng niin thudawnna chuan a sawi.
Silai keng mi pathum hmaituam te hian Rachathaimo te nupa chu lo tidingin, Rachathaimo chu an man bet a, a pasal an beh lai chuan a nuoui chu a lo au a, misual zinga pakhat chuan lei lam hawiin a silai chu vawikhat a hmetpuak nghe nghe niin thudawnna chuan a sawi a. Silai a puah tak avang chuan Rachathaimo nupui chu hlauvin a tlanchhia, Rachathaimo pawh misualte chuan an hruaibo zui ta niin thudawnna chuan a sawi bawk.
Inrukbona thlenna nia sawi hmun hi Bungtlang South Police ten pan nghalin, Lawngtlai atang pawhin Police tirh belh an nih thu thudawnna chuan a sawi bawk a ni.