New York khawpuia John Lennon kaphlumtu chuan a ngaihsan leh duh e em Beatle member hlui thah chu thil dik lo tih hre mah se, lar a duh luatna lamah a che ta mai niin,k parole board a hrilh.
Mark David Chapman-a’n parole a dilna vawi 12-na atan hnawlsak a nih hnu ah mahni hma a sial luatna chuan khawvel huap ang pawhin tawrhna leh nghawng namen lo a thlen phah, a ti bawk.
“Ka thil tih kha ka hria a, a dik lo tih pawh ka hrechiang. Mahse lar ka duh ngawih ngawih vangin engpawh tih ka huam pah a, mihring nunna lak thleng pawh khan ka pawisak loh pah,” a ti.
Chapman hian Lennon chu December 8, 1980 zan khan Yoko Ono nena an chenna Upper West Side apartment pana an haw lam chu hmun leh hmunah a kaphlum.
Hemi ni chawhma lamah Lennon hian Chapman chu autograph ziahsakin, album a tihchhuah, ‘Double Fantasy’ cassette-ah a ni nghe nghe.
Kum 67 mi ni tawh Chapman chuna, “Ka rilru-a thil tha lo tak a lo awm vang a ni mai a, tu emaw nih ka tum a, chu chu engmahhin an titawp thei lo a ni,” a ti bawk.
Chapman hian New York-a Green Haven Correctional Facility-ah kum 20 chhung damchhung tang tura hremna a hmachhawn mek a, kum tam tak parole tura ngenna a siamah a inchhiarzia a sawi fo a ni.
“Hmun tin maia awm mi zawng zawngte rilru ka tina hle tih ka hria a, min haw ngawih ngawih an awm paw’n a awm hle a ni,” tiin hearing an neihah a sawichhuak.
Chapman-a ngenna hi February 2024 ah ngaihtuah a ni leh ang.