Captain America film-a inlan Chris Evans chu ‘Mipa sexy ber’ ah People Magazine-in a thlang.
Hollywood star ni bawk hian Marvel star Paul Rudd (2021 kuma he nihna chelhtu) chu khumin ‘Sexiest Man Alive 2022’ ah a dingchhuak.
Evans hi comedy film, ‘Not Another Teen Movie’ leh ‘Ther Perfect Score’ atanga hriatlar chhoh niin, superhero film-ah erawh ‘Fantastic Four’ ah inlanin, a chechhe hle thung.
A hnu ah Marvel Cinematic Universe movies-ah tel chhovin ‘Captain America: The First Avenger’ leh ‘The Avenger’ ah te inlan chhunzawmin, heng film pahnih hmang hian lemchan khawvelah nasa taka hriatlar a ni nghal.
Hemi hnu lawkah film hit tak tak, ‘Captain America: The Winter Soldier’, ‘Avengers: Age of Ultron’, ‘Captain America: Civil War’, ‘Avengers: Infinity War’, leh ‘Avengers: Endgame’ ah namen lovin hming a chher zui leh bawk.
People magazine hmaah, “Ka nu a hlim ngawt ang. Ka thiltih apiang hi a chhuang em em zel a ni,” tiin Evans hian a sawi.