Police-in National Liberation Front of Tripura (NLFT) hel pawla tel mi pathum an man.
NLFT mite hi Pathianni zan khan Tripura-a Sepahijala district-a Takarjala khuaah man an ni.
Police-te hian lirthei pakhat, registration number TR-01/BL0228 hmanga Takarjala khua chhuahsan an tum lai nangchingin an man.
An mi mante hi Khowai district-a mi, Rano Debbarma leh Prasenjit Debbarma leh North Tripura district-a mi Rathindra Debbarma te an ni.
“Takarjala-ah hian NLFT mi an awm tih thu kan sawng a. Pathianni tlai khan heng mite hian Takarjala chhuahsan an tum tih hriat a ni bawk a, police-te chuan anmahni zawn beihpui a thlak a. Takarjala panna kawng zawng zawng danchah niin man an ni ta a ni,” tiin police-te chuan an sawi.
NLFT hel pawla mi mante hi Bishalgarh Police Station-ah an la nghal a. Nimin khan Bishalgarh-a tual chhung court-ah hruai an ni.
Tun hnaiah Tripura-ah hian hel man an awm nual a. January 12 khan NLFT hel tho mi pahnih chu Takarjala-ah tho hian man an lo ni tawh.