Tungchhova kal tawh phawt chuan hmeltha lem lo te thlengin, lan nalh erawh kan tum deuh vek a tihtheih a. A bik takin, hmel no sar leh eng phat phat mai put ngei tumin sum leh pai sen lah a tam tawh narawh. Mite’n min hmuhdan leh thlirdan hmasa ber a nih avangin ngaihpawimawh a ngai em em a ni.
Khai le, nikhatah minute 15 vel bak a ngai lova, hmai chei dan thuruk hi i hmâah chhawpchhuah a ni dawn ta. Hna i ngah a, buai viau pawh ni la, i nalhna tur anih te chuan minute 15 chu a hnâr phal dawn em ni?
SUNSCREEN
Vun cheina leh ulukna bul intanna hi Sunscreen ni ngei rawh se. A tel lo chuan chhuak ngai hauh suh ang che. Nisa hnuaia i awm anih chuan darkar thum dan zela hnawih lehthuak pawh kha a pawi reng reng lo. Pâwn chhuah tam ngai chi-a i awm anih chuan sunscreen (SPF 30+) awmna tal hman ngei a tha bawk.
TIP: I duh phawt chuan i hmui (lip) ah pawh hnawih rawh.
CLEANSING
In i thlen veleh i vun kha tifai la, cleanser i hmana hi water-soluble cream emaw gel a ni ngei tur a ni thung. Zan lamah moisturiser i hman chuan a tuk zingah i tihfai leh nghal vat a ngai ang.
TIP: Tui lum pip pep hmangin hmai phih la, (theh zeuh zeuh pawh a pawi lo). Cleanser la chhuak a, a bial (circular motion) zâwngin hnawih la, tui vawt-in tleng fai leh ang che. I vun kha a mâwm (oily) viau anih erawh chuan PH-balance awmna sahbawn hman a sual lo.
TONING
I hmai-a hnawih chi hrang hrang leh bal kai te nawhreh leh tihfaina a ni. I hrereng dawn a nia.
TIP: I vun khan thil huat a ngah (sensitive) chuan strawberry hman tur a ni a, minute nga hnu-ah tuiin tlengfai ang che.
MOISTURISING
Moisturiser-ah hian tui, oil leh vun timam thei tur a awm a. Eng vun type pawh nei mah ila, moisturise tho tur a ni. Arngeng nei tan erawh a Tha lem lo. Hman nasat lutuk pawh a Tha chuang lo bawk.
TIP: I hmai a bawlleh thin a nih chuan Oil tel lohna moisturiser i hmang dawn nia.