NBA a team langsar ni si, season bul tan dan tha tawk lo pathumten hnehna an chang vek a. Los Angeles Lakers, Golden State Warriors leh Brooklyn Nets ten an khingpui theuh an hneh.
Lakers in January kar hmasa ber hnua a vawikhatna atan match thum a zawnin hnehna chan an neihna chiah a ni a. San Antonio Spurs 123-92 in an hneh.
LeBron James inhliam avanga match li a chawlhnaah Lakers tan Anthony Davis bawk hmahruaitu a ni a. Point 30 leh rebound 18 a la. Austin Reeces chuan point 21 score in first half a chetthat chu Lakers chak nan a pawimawh hle a. Tun regular season-ah vawi nga an chakna chauh a ni.
NBA champion Golden State Warriors pawhin Houston Rockets 127-120 in an hneh a. Klay Thompson leh Steph Curry ten point 41 leh 33 an score a. Warriors hi khelh 17 atang vawi 8 an chakna chauh a ni ve mek.
East a star player ngah Brooklyn Nets pawhin an vawi 8 chakna chauh ni turin Memphis Grizzlies 127-115 in an hneh a. Kevin Durant leh Ben Simmons ten 26 leh 22 an score.