American Music Awards (AMA) neih zawh taka best male R&B artist dawngtu Chris Brown chu mipuiin an boo hluah hluah karah amah aiawha award latu Kelly Rowland chuan mipuite chu ‘ziaawm ta che u,’ tiin a khak!
Brown hi 2009 kuma khatih laia a bialnu Rihanna laka tharum thawh vanga sawi leh sel a ni daih tawh a, thiamthu sawi tur a nei lo, a ti chung khan mi tam takin an pawm thei lo.
Sunday zana neih zawh AMAs ah Brown a inlan lova, last minute-a Michael Jackson tribue siam an tum tawh an thulh leh tak vang a ni.
A aiawha award dawngtu Rowland chuan mipui lam chhanlet dan chu hrethiam lovin mak a ti hle.
“Min lo hrethiam teh u.. Chill out’ tiin a sawi a, camera-in mipui lam a tinzawn a, boo hluah hluah leh engnge an sawi tih pawh hriat phun nak nak te pawh hmuh tur a tam.
“Engpawhnise, Chris, hei hi ka hrilh duh che. R&B music ropui taka i chherchhuahnaah ka lawm a, performer ropui tak i nih vang pawhin lawmthu hrilh tlak i ni.
“He award hi i tan ka dawng. Ka hmangaih che a, ka lawmpui che. He category-a lang te pawh ka lawmpui hle.,” tiin Rowland hian a sawi.