Chief Minister P.S. Tamang chuan kar hmasa khan Sikkim-a hmeichhe naupangten a thlawna ni tin bawnghnute an dawn theihna tur, Free Gift Milk to Girl Students of Sikkim a hawng.
Scheme thar hnuaiah hian hmeichhe naupang 1,500 chuang hnenah ni tin bawnghnute 200 zel a thlawna pek an ni phawt.
Tamang-a chuan he thil hi hmeichhia, a bikin kum naupang zawkten ei tur kham khawp an hmu lo leh an hriselna pan thin venna tur atana hmalakna a nih thu a sawi.
State sorkar chuan tam zawkin an dawn theihna turin an tilian zel dawn tih chief minister chuan a sawi bawk.
Tamang-a chuan he an hmalakna thar hi sorkarin bawnghnute sawrtuten litre-ah Rs 8 zela an hralh theihna tur a nih bawk thu leh a man hi an state-a lo neihna lama hmasawnna tur kawng pawimawh a nih tel thu a sawi.
Thalaite chu lo neih lama inhmang uar turin a chah bawk.