Aizawl : Mizoram University-a Department of English and Culture Studies-in kum 2021 leh 2022-a Gold Medallist – Lalruatkimi Jongte leh Vanlalruati hnenah Lawrence Ch. Chhunga Endowment Fund for Literature & Cultural Studies an hlan.
Lawrence Ch. Chhunga Endowment Fund hi Prof. Margaret Ch. Zama’n a pa Lawrence Ch. Chhunga (L), Mizoram Chief Minister hmasaber hriatrengna atana Rs. nuai 5-a bultan niin, kumtin English subject-a titha ber (Gold Medallist) hnena hlan thin tura ruahman a ni.
Prof. Margaret chuan a pa hminga Endowment Fund a ruahman chhan chu zirlai ten thu leh hla lama hmasawn an duh nan leh lehkha chhiar an lo uar zel theih nan a nih thu a sawi.
Lawrence Ch. Chhunga Endowment Fund hi MZU bika endowment palina niin, hemi hma hian MZU Vice Chancellor hmasaber Prof. A.K. Sharma bakah Prof. R.N. Prasad, Department of Public Administration leh Dr. G. Kumar, Department of Geography ten endowment fnd an lo ruahman tawh bawk.