Spectrum Healthcare, Mumbai-a hmei-chhe lam thiam bik Dr. Sudha Marwah chuan serh leh a vel enkawl nana hman tura siam thil manto tak tak te a tha chiah em tih te, a man nen a inphu tâwk em tih te thlenga a thusawi hi kan zir ho ang.
CHEI MAWI HIM EM?
Khawthlang ram tam takah chuan inchei ngaihna hre tawh chuang lo hmeichhiate hian an mimal thil te thleng thlengin an chei nasa hle a. Tlereuh te vuahin, a lan mawi theih nan rangkachak beh tir te thlengin an awm.
He hi Brazilian wax an tih mai, thil ban hmanga serh leh a vela char anih hnu-a kalpuina a ni. Dr Sudha chuan, “Serh leh a vel tihfai tawhnaa thil ban han char leha hian hmeichhia tam takah harsatna a thlen a, vun sensitive tan phei chuan buaina tham a tling.
“Chu bakah awmnawm lohna neuh neuh lo thleng hian thak te a thlen a, chu mai bakah kawppuite tan paw’n hrehawm tihna hial a thleng thei,” a ti.
ZIAH FAI PAWI EM?
Hei hi serh hmul tihfaina atana hmanraw hman lar ber leh kalpui tlanglawn ber a ni a. Shaving (ziah fai) hi awlsam tak anih rual hian a lo to leh nghal mai bawk thin si a, thak neuh neuh leh awmnawm lohna pawh a thlen thei.
Engemaw laia thler leh kak te pawh a siam thei a, infection awm theiin, bacteria hrik te pawh a lut thei. Hliam leh pem a awm chuan infection awm thei a ni.
COLORING PAWI EM?
Eng-tinnge ni ang?
Dr. Sudha chuan, “Serh vun hi lû chhip vun aiin a let sawm zetin a pan zawk a, chutih laia lo chei chiam a, lo dye kual vel hian hriselna a khawih pawi pha thei.
“Serh hmul dye hian serh hriselna a khawih pawi ber a, thil rimtuilo chhuak leh thip te, sen deuh huam te thlengin a thlen thei,” a ti.
THIL DANGA CHEI LEH HNAWIH PAWI EM?
Shaving leh waxing te avang hian serh hi a dum hmâ thin em em a, a awmna leh chhehvel tihen leh tihlansar deuh nen thenkhat chuan bleaching an kalpui thin a, Chutih laiin, a bawlhlo ah hian chemical hlauhawm te pawh a awm thei a, chu chuan vun-ah harsatna chi hrang hrang thlenin, a sa huam huam thei.
Chuvang chuan, mahni thu-a tawngpawng hman ngawt a him lova, i duh talh anih chuan mithiam te râwn hmasa phawt rawh.
SERH LEH A VEL TIH FAI NANA SIAM HMANRUA HIM EM?
Hetiang thilah hian a tlêm leh tamin chemical hi a awm deuh vek a, chu chuan serh-a awm pH balance chu a tirual khai lo thei a, thak neuh neuh leh infection te hial a thlen thei.
Dr. Sudha chuan, “A tha berah chuan hunbi nei takin inbual fai thin la, thlanin a bual thawmhnaw ha rei lo la, thlak thuai thuai thin ang che. Tin, thawmhnaw tâwt ang chi hak loh tur a ni bawk,” a ti.