Aizawl : Lawngtlai-III Health Clinic Centre thar chu nimin khan Lawngtlai East bialtu MLA H. Biakzaua’n a hawng a. Lawngtlai dist-ah health clinic centre 26 sorkar- in a ruahman thu leh a tam zawk chu hawn a nih tawh thu a sawi.
H Biakzaua chuan a tirah building awm sa thenkhat tih loh hmun tam zawkah building sak nan leh thawktu rawih nan MLA fund hman a nih thu sawiin, tunah chuan SEDP sum hmangin health clinic centre engemawzat bultan leh enkawl a nih thu a sawi. Veng mi inphal ten – lehkhabu chhuar, khum, dawhkan leh tul dang an pek avangin lawmthu a sawi.
Lawngtlai-III Health Clinic Centre hi YLA, Lawngtlai-III branch enkawl Lai Cultural Centre-cum-Auditorium building hnuaiah dah lailawk niin, thawktu health worker pakhat, helper pakhat leh ASHA pakhat an awm a ni.