Zote Honda Mizoram Premier League Season 9 semi-final hnuhnung zawk first leg chu Nilaini zan khan an khel a. Chhinga Veng FC leh Chawnpui FC inkhelah 2-0 in Chawnpui an chak a, final luh an hnaih tawh.
Rajiv Gandhi Stadium-ah league a pahnihna Chhinga Veng hi chak tura rinkai an ni a, mahse Chawnpui FC hian league season an khar tha. A hun takah che tha a, mamawh huna goal khung thei an nihna a lang.
Chawnpui in Chhinga Veng hlawhtlinpuitu coach Lalsangzuala Hmar hnuaiah football fing leh nghet an khel thin. Lehlamah Chhinga Veng hi goal ven thiam an ni a, an goal nawr lamah duhthu sam lo thin mahse hneh an har.
Team pahnihten goal hlauhawm ngah lo mahse Chawnpui in an chance neih tha an hmang tangkai zawk. Minute 16-naah freekick atanga Lalrinchhana pet luh chu Laltlanzova’n goal-ah a khung.
Second half-ah Chawnpui tan striker pawimawh MC Malsawmzuala’n tun season a a goal 8-na a khung leh bawk.
Second leg hi Inrinni zan dar 7-ah Rajiv Gandhi Stadium-ah khelh a ni leh dawn a. Chhinga Veng in final lut turin hmabak ko tak an nei tawh.