Nagaland police chuan Thawhtannia Peren district, Lamhainamti-a mi pathum thahna thleng chu a chhuitu tur, police officer senior kaihhruaitu tur, Special Investigation Team (SIT) an din dawn tih Deputy Chief Minister Y Patton chuan a sawi.
Home ministry changtu ni bawk, Patton chuan state sorkar chuan he thil thleng hi a ngaih pawimawh thu leh dan ang taka thil kalpui tum a nih thu a sawi bawk.
Ramin dan a neih angin he thila a mawhphurtu leh a titute chu hrem an nih tur thu deputy chief minister chuan a sawi.
Minister chuan he tualthahna hi a dem tak zet thu leh pawi a tih thu a sawi a, “Tualthahna reng reng hi nun khaw sual tak ken a ni vek,” a ti.
Rawng taka mi pathum thahna chu a rapthlak a, a tihaihchhamin nasa a ti hle tih a sawi bawk.
Patton-a chuan a bul hnaia chengte chu ngaihtha leh boruak muanawm taka awm turin a ngen a, sorkarin hma a la dawn tih a sawi.
He tualthahna avang hian Lamhainamti-ah hian boruak a sang hman hle a. Mi pathumte hi an lova hna an thawk lai mi tu tih hriat lohten Thawhtanni chawhnu lama an thah kha a ni.
Peren Deputy Commissioner Sentiwapang Aier chuan a bul hnaiah hian Thawhlehni zan dar 9:00 atang khan Section 144 CrPC puangin mi panga aia tam awm khawm phal lohna kalpui mek a ni.