Aizawl : Inrinni kalta kha India Constitution Day (Samvidhan Diwas) a ni a. Lawngtlaiah pawh Nehru Yuva Kendra (NYK) kaihhruaiin he ni hi hman a ni a, Lawngtlai-III Bialtu MDC T. Lalengmuana’n a hmanpui a. Resource person Govt Lawngtlai College-a Asst Professor ZH Lianthanga’n Constitution Day chungchang leh Constitution pawimawhna a sawi.
Sorkar thuchhuahin a tarlan danin, Constitution Day hi November ni 26, 1949-a India Danpui pawm a nih hriatreng nan leh a pawimawh zia inzirtirna ni atan kumtin November ni 26-a hman tura tih a ni a. Sorkar laipui ruahman angin kum 2015 aṭang khan kumtin hman ṭhin a ni a. Mizoram district hrang hrangah pawh he ni hi hman a ni.