Netflix series lar tak, ‘Squid Game’ actor O Yeong-su chu mipat hmeichhiat lam hawi thubuai siamsak a ni.
Kum 78 mi hi 2017 khan hmeichhe pakhat chy mawi lo takin a khawih niin, official te’n an sawi. Mr O erawh chuan he puhna hi a pha a thung.
Kumin kumtir khan Squid Game-a a chethat vangin South Korea actor zingah Golden Globe award dawng hmasa ber ni turin ‘best supporting actor’ award hlan a ni.
Mr O laka thubuai siamtu hmeichhhe pakhat hian nikum December daih tawh khan police-ah a zualko tawh a, kumin April ah thubuai hi tihtawp niin, Mr. O laka hlinna engmah siam a ni lo.
Thubuai tawp hlen tura beisei a nih laiin, a tuartu nia insawi hian chhui chianna hi a tharthawh leh ta si a, Mr O hi man kher lo mah se, thubuai awrhtir a ni ta tho.
Heti anga thubuai kalpui a nih tak vangin South Korea sorkara culture ministry chuan Mr. O inlanna sorkar commercial film/adver te reng reng tichhuak lo turin hma a la zui nghal a ni.