Aizawl : Tourism Minister Robert Romawia Royte-in Lungleng-I chu tourist destination pawimawh, chei zui zel tura Tourism deptt-in a zirchian mek a nih thu a sawi.
YMA, Lungleng-I branch-in an kum 75 tlin (Platinum Jubilee) an lawmna a hmanpuinaah he thu hi Inrinni khan Tourism Minister chuan a sawi a. Sorkar leh YMA thawhhona a that thu sawiin, hnam issue pawimawhah YMA chu sorkar finchhuaha a taka a tul anga thawk thin a nih thu a sawi.
Ruihhlo hluar mek chungchanga YMA tanlakna leh ramria buaina leh raltlante buaipui kawngah te YMA an che tha takzet tih sawi- in, Robert Romawia chuan, “kan hnam rohlu an ni” a ti bawk.