HRD Board Vice Chairman, MLA L Thangmawia’n “Mahni hnam tawng, Mizo tawng ngaihhlut kan zir a ngai a, mahni tawng hmang diklote kan innuihzat a hun tawh a, mahni hnam tawng ni lo, English hmang diklote kan nuihzat thin hi sim a hun tawh zawk ” a ti.
Mission Vengthlang Govt. Primary School Diamond Jubilee lawmna a hmanpuinaah he thu hi Inrinni khan L Thangmawia chuan a sawi a. Sap ho te ngei pawhin hnamdang Sap- tawng hmang dik tawk lo te chu an pianpui tawng a nih miau loh avangin an hrethiam em em zawk niin a sawi.
L Thangmawia chuan “Mizo thalaite thluak hi a tha” tiin, “hnamdangte zir ang tluka kan zir peih a nih ngat chuan khaw- vela lang tham turin Mizo zirlaite kan tha tawk” a ti a. Mahni line-a mithiam bik, khawvelin mithiam a mamawh changa a lamchhuah tlak mithiam tam zawk Mizo zinga an awm theihna tura tanlak a tul tawh thu a sawi bawk.
He hun hmanpuitu dang bialtu MLA V.L.Zaithanzama pawhin thusawiin, sikul building thain nu leh pa leh zirlaite rilru a kaihruai nasa thei hle tih a sawi a. Sikul building tlabal te thuamthat zel a pawimawh thu a sawi. “Kohhran sikul sorkarin a lak hian a zirtirtu leh a building ngai tho ah a hma aiin a thalo thin hian ngaihtuahna a ti thui hle” a ti bawk a ni.