Inhliam avanga game nga a khelh loh hnuah LeBron James chuan a hna ngai a chhunzawm a. Inrinni khan Los Angeles Lakers tan inkhel lehin a tuk zinga San Antonio Spurs nen an inkhelh nawn lehnaah tun season a offense lama a chetthat ber tum a hmang.
James chuan point 39 score in rebound 11 a la a. 143-138 in San Antonio Spurs an hneh.
San Antonio a AT&T Center-ah Lakers in tunhnaia che tha Anthony Davis chhawr thei lo mahse Dennis Schroder leh Lonnie Walker ten point 21 leh 19 an team tan an thawh a. Bench atangin Russell Westbrook chu player tangkai ni lehin minute 27 chhungin point 11, rebound vawi 7 leh assist vawi 6 a thawh hman.
Inkhel dangah Phoenix Suns in 113-112 in Utah Jazz an hneh a, tun season-ah vawi 13 an chakna niin West-ah hma an hruai.