Iranian nulaMash Amin thihna kal zela ramchhunga lungawi loh lantirna kal zelah rapper lar an man tel Toomaj Salehi chu a nunna atan hlauhawm dinhmunah a ding mek niin, a chhungte’n an sawi.
Ramchhunga hmeichhe incheina dan bawhchhiaa puh Amini chu police kutah a thi ngei nia hriat a nih vanga September 16 chho vel atanga hmun tam taka lungawi lohna lantirna chu Iran sorkar chuan tharum hmangin hmehmih tumin thahpui a thawh ve reng bawk.
Toomaj Salehi hi Iran rama rappper hriatlar nii, mipui lungawilo a thlawp vanga thuneitute man leh hren mek niin, tunah hian a nunna a derthawng hle nia hriat a ni.
New York-a inkhuar Center for Human Rights tarlan danin, rapper Toomaj hi Tehran khawpuia man anih hnu ah a aiawha ding tur lawyer pawh thleng thei lovin a dikna leh chanvo rahbehsakin a awm mek.
A chhungte pawhin tun dinhmunah hian a nunna a derthawng hle niin, an sawi a, ‘Pathian laka helna’ leh ‘khawvela corruption’ chawk thotu ah puh niin, Sharia law hnuaiah thubuai siamsak a ni a, thi tura chungthu rel thlenga hrem theih a ni.