Aizawl : Mizo photographers society (MPS)-in Inrinni khan an pawl kum 10 tlin lawm nan Civil Hospital, Aizawl-in a tula an hman atan thisen unit 5 an pe a, thisen petute mipa vek an ni.
KTP, Muallungthu bial pawhin Inrinni vek khan ZMC blood bank-ah thisen unit 41 an pe a, thisen petu mipa 30 leh hmeichhia 11 an ni.
KTP, Hunthar Veng branch pawhin an branch din champha pualin Synod Hospital-in a tula a hman turin thisen unit 24 an pe a, thisen petu mipa vek an ni.
KTP, Ramhlun Venglai branch-in Inrinni vek khan an din champha vawi 32-na pualin Civil Hospital, Aizawl-in a tula a hman atan thisen unit 20 an pe a; thisen petu mipa 19 leh hmeichhia 1 an ni.
KTP, Champhai Zotlang North branch-in Champhai district hospital-in a tula a hman turin thisen unit 33 an pe a; thisen petu mipa 30 leh hmeichhia 3 an ni.
Adventist Youth Federation, Lunglei North & South pawhin Inrinni vek khan Civil Hospital, Lunglei-in a tula a hman turin thisen unit 45 an pe a, thisen petu mipa 26 leh hmeichhia 19 an ni.
Inrinni vek khan YMA, Zohnuai branch, Lunglei pawhin Civil Hospital, Lunglei-in a tula a hman turin thisen unit 15 an pe a, thisen petu mipa 14 leh hmeichhia 1 an ni.