India rama Covid-19 kai enkawl lai chu mi 5,123 an la ni mek tih union health ministry-in Thawhtanni tuka a chhinchhiahna a tihchhuahah a tar lang.
India-ah hian darkar 24 liam ta chhungin Covid kai hi mi 291 hmuh chhuah leh hman niin mi 4,46,71,853-in an kai tawh a ni.
Darkar 24 liam ta chhung hian thihpui thar an awm lo va; mahse, Kerala-ah a hma lama thi tawh, chhinchhiahnaa telh thar mi pahnih an nei thung a, heng mite nen hian mi 5,30,614-in an thihpui tawh.
Hri kai hmuh chhuah tawh zawng zawng atanga chhutin a kai enkawl lai hi 0.01% chauh an ni tawh a, 98.80% erawh enkawl dam an ni tawh thung tih ministry website-ah tar lan a ni.
Darkar 24 liam ta chhung hian enkawl lai hi mi 140-in an tlahniam leh hman a ni.
Hri kai enkawl dam tawh zawng zawng hi mi 4,41,36,116 an tling tawh a, 1.19% chuan an thihpui thung.
Ministry website-a tar lan a nih dan chuan invenna pek beihpui thlak kal mek zelah vaccine dose vaibelchhe 219.90 pek a ni tawh bawk.