- Ruata
Force Motors chuan an van lian huanga lirthei thar Urbania an tlangzarh a, he van thar hi a lianin a changkang khawp mai a, Rs. Nuai 29.50 (ex-showroom) man atangin a intan dawn a ni.
Force Urbania hi Force ho next generation shared mobility platform nghahchhana duan a ni a. Tunhnaiah Indore-a dealers meet-ah an phochhuak a, hemi tum hian ram pawn atang pawhin an lirthei siamna hmun fang tur leh he Urbania thar rawn thlithlaia khalh chhin tur hian mi an sawm bawk a ni. He van thar hi chi thum a awm dawn a, hei hi a wheelbase atangin an thliar a, kan hriat theuh angin a wheelbase kan tih chu a ke hma lam leh a ke hnunglamin a rahna lai tak inkar thui zawng tehna a ni a, a lirthei sei zawng tehna a ni ber ang chu. Tichuan chi thum – Short Wheelbase, Medium Wheelbase leh Long Wheelbase te a awm dawn a ni.
Short wheelbase model hi a driver bakah puitling 10 dang chuan theihna tur a ni a, medium wheelbase variant hi chu a driver bakah puitling 13 chuan len theihna tur a ni. Long wheelbase model-ah hi chuan a driver bakah mi 16 lai nuam takin an chuang thei dawn a ni.
Force Motors hian hri len nasat hmaa Auto Expo neih hnuhnung ber, Auto Expo, 2022-ah khan he lirthei concept hi an lo phochhuak tawh a. A hming pawh TN1 shared mobility van niin an phochhuah hnu lawk hian he lirthei siamna tur hmun changkang takah hian duan nghal char char a ni a. He van changkang tak siamna atan leh a siamna hmun tur dinna atan hian Force Motors chuan Rs. vbc 1000 lai an invest bawk a ni.
Force Urbania hi ama tlukpui anga crash and rollover compliance with airbag, a driver leh a co-driver tana nei awmchhun a ni a. Hei bakah hian ventilated disc brake a ke paliah a nei a, hei hian ESP, ABS, EBD leh ETDC a keng tel a ni.
A kentel lamah chuan Urbania hian tilt & telescopic adjustable steering, dashboard mounted gear lever, 7-inch LCD touchscreen with built-in bluetooth & camera inputs, USB mirroring for Apple CarPlay & Android Auto, 6/8 speaker acoustics system, central locking, power windows, rear park assistance, engine start-stop system, reclining seats, sealed panoramic windows, individual reading lamps & USB ports, daytime running LED lamps, LED tail-lamps, leh a dangte a nei a ni.
Urbania ama tlukpui hoa a hmasa ber atan independent front suspension with transverse spring a nei a. A khawl lamah chuan Mercedes-sourced atanga lak 115bhp power pechhuak thei, BS6 compliant, Common Rail Diesel 350Nm torque (@ 1400 to 2200rpm) pechhuak thei a hmang bawk a ni.
Force Urbania hi Force Motors Commercial Vehicle dealer-ah Rs Nuai 1 chawiin a book theih a ni.