Aizawl : Horticulture Development Board Vice Chairman Prof. F. Lalnunmawia, chuan nimin khan Dr. Elizabeth Saipari, Director, Horticulture Department Award dawn lawmpuina leh a pension tur thlahna a nei.
Prof. F. Lalnunmawia chuan Dr. Elizabeth Saipari, Director of Horticulture-in India Agribussiness Award, 2022 a dawng thei chu a lawmpui takzet tih sawiin, Dr Saipari mai bakah a thawhpui dangte inpekna hi a chhuanawm a tih thu a sawi.
Pension a chhuak tur Director thlahna sawiin Prof. F. Lalnunmawi chuan, Dr Elizabeth Saipari chu kum 37 zet Mizoram sorkar hnuaia a thawh hnuah pension a chhuak thei tur chu a lawmpui leh a ui thu a sawi a. Director hun chhunga a hnathawh te hi a ropui a tiin, ramin a thar chhuah thenkhat ten India ram ril mai ni lo, Foreign thlenga thawn chhuah a ni thei ta te hi a a lawmawm tiin Director thawhrimna leh a thawhpuite thawh rah chu ropui a tih thu a sawi.
Dr. Elizabeth Saipari pawhin thu sawiin, India Agribussiness Award 2022 a dawn theih chhan chu amah chauh ni loin, a thawhpui officer leh staff te bakah farmer te an nih thu a sawi a. Anni bakah Horticulture Dept. enkawltu Chief Minister leh Horticulture Development Board Vice Chairman leh a thawhpui ten hnathawk theia an siam vang anih thu a sawi.
He hunah hian C.H. Lalmuanpuia, Addl. Director bakah Dept official te leh Horticulture Development Board Member te an tel a ni.