Shakira chuan Spanish thuneitute chu amah tihhmingchhiat tuma hma laah puhin Grammy winner kum 45 mi hian mimal zalenna nekchep a, vangtlang hmaa timualpho ah a puh.
Chhiah pek loh thubuai lian tak kalpui mekah Shakira-i legal team te chuan zawhna an zawhletna ah Shakira hi Spain-a khawsa nghet a nih loh thu an tarlang a. Spanish Dan ah chuan kum khat chhunga European ram pakhtah ni 183 emaw a aia tam a awm chuan chhiah pek a ngai, tih a ni.
Shakira hi thiam loh chantir a nih chuan kum 8 lung in tan leh $Maktaduai 24 a chawi a ngai dawn tihna a ni a, a theu neu lo. Shakira ve thung chuan kum 2012-2014 inkar khan Spain-ah full-time resident a ni lo, tiin a pha a, US sorkarah chhiah $10,141,075 a pe niin, a sawi.