Serchhip District Hospital sakna tur chungchanga Serchhip Joint Action Committee (JAC)-in PIL a thehluh High Court-in a ngaihtuah chungchang Serchhip JAC-in chanchinbu kaltlanga a puanzar tawh chu a tawngkam dik tawk lo deuh a awm niin Serchhip JAC te Ukil Rosalynn Hmar chuan a sawi.
Serchhip JAC te Ukil chuan ni 24.11.2022-a Serchhip Hospital chungchanga PIL 15/2022 Gauhati High Court-a thehluh chu a tlang lo nia sawiin, hnawl a nih chhan chu MoU kalhin engmah siam danglam emaw siamthat emaw a awm lova, damdawi in chu Bukpuia sak tur a nih thu engmah order hmuh tur a la awm lo niin a sawi a. A hmun ngaia sa tan tura inremna pawh ni 27.5.2022 a siam chauh a nih avangin PIL thehluhna atan a lo la hma deuh niin a sawi.
Nakin zelah inremna kalha hmalakna a awm ta a nih erawh chuan High Court chuan felfai zawka PIL thehluh that leh erawh phalsak thung niin Serchhip JAC te Ukil chuan a sawi bawk.