Italian football team Juventus a board of director te chu an president Andrea Agnelli tiamin Thawhtanni khan an bang.
Serie A club hi season liamta khan league-ah palina niin hemi chhung hian Euro maktaduai 254.3 an hloh a. Hei hi Italy a record a ni.
Nikum November thla khan police in an club in player lei leh hralh chungchanga kum 2019 atanga 2021 chhunga an player ziahluh dan chu an lo chhui tawh.
Heng an chhui zingah hian Agnelli bakah vice-president Pavel Nedved pawh a tel a. Ani pawh hi bang zingah hian a tel.
Hetihlai hian managing director Maurizio Arrivabene chu board thar a insiam chhungin a hna ngai a chhunzawm lailawk rih ang.
Board of directors bang ta te chuan, “Tunhnaia sum dinhmun leh dan anga enfiah a nih avangin board of directors thar in Juventus hi an kalpui a tha ber niin kan ngai.” tiin an insawifiah.