Bayern Munich CEO Oliver Kahn chuan free agent ni lai Cristiano Ronaldo chu an club in an lakluh loh tur thu a sawi chiang.
German legend Kahn hian July thla khan Ronaldo chu player tha ber zing ami ah a chhiar tel tih sawi mahse Bayern Munich in ruahmanna an neihah a tel lo tih a sawi tawh a. Tunah Portuguese forward hian club nei lo mahse an club hmathlirah a tel chuang lo tih a sawi nawn.
“Ronaldo hi kan umzui dawn lo. A chungchang hi kan ngaihtuah a, Ronaldo hi kan ngaisang vek. Mahse kan kal zelna tura ruahmanna erawh a danglam. Kan squad kan duan dan tur leh kal zel dan tur chiang tak hi kan nei a ni.” tiin Kahn chuan a sawi.
Hetihlai hian Kahn hian Tottenham striker Harry Kane chungchang erawh a la sawibo lo. Tun nipuiah Robert Lewandowski an chhuahtir avangin kum 29 mi Kane hi an ngaihven niin thu a thang mek.