MPCC president chuan kum 2023-a MLA General Election lo awm turah Siaha biala Congress party candidate atan N Chakhai, MCS (Rtd) a ni tih a puang.
Siaha-ah Mara District Congress Committee (MDCC) General Assembly vawi 22-na neihah MPCC president chuan an party candidate tur puangin, “A tlin ngei theih nan theih tawp lo chhuahpui a, Congress Party-in sorkar tha siam a tumna kawnga phur taka hma lo la turin Mara mipuite ka sawm a ni,” a ti.
November 5, 2022-a MPCC Campaign Committee-in Serchhip Bazara an buatsaih, Joint Block Conference-ah Lalsawta hian Serchhip bial vil turin Vanlaltluanga an sawm thu sawiin, “Serchhip bial hmasawnna thlen tur leh Pu Lal Thanhawla hnathawh chhunzawm turin Vanlaltluanga kan sawm a, amah kaltlang hian bial hmasawnna hna hi Congress party-in a thawk zel dawn a ni,” a lo ti tawh bawk.