German tennis star Alexander Zverev chuan kheimit hliam avanga thla ruk a inkhelh theih loh hnuah Ningani zan khan inelna a hmachhawn leh tan a. Saudi Arabia-ah a inkhel.
Kum 25 mi Zverev hi Diriyah Tennis Cup exhibition-ah a inkhel a. June thla a French Open semi-final ah Rafael Nadal nen an inkhelh tuma a kheimit tha a tihnat hnua a inkhel leh hmasa ber a ni.
Saudi Arabia-ah hian Dominic Thiem hneh nghalin 2021 US Open champion Daniil Medvedev 6-4 6-0 lakah a tlawm zui.
British number one Cameron Norrie chuan seeded number one hauhtu Stefanos Tsitsipas a hneh ve bawk.
Zverev hian semi-final lutin Stan Wawrinka a hmachhawn leh dawn a. Swiss star Wawrinka hian Russian mi Andrey Rublev a khel leh ang.
September thla khan Davis Cup-ah inkhelh tumin a inbuatsaih tan a, mahse a hliam a tihnat belh avangin kumtawp a nghah a ngai.