Aizawl : Aizawl North II bialtu MLA Dr Vanlalthlana’n Inrnni khan Ramhlun vengthar Branch MHIP commitee room a hawng.
Hawnna inkhawmah Dr. Vanlalthlana chuan NGO in khawtlang hmasawnna atana hma an lak nasat dan hrang hrang a tarlan bakah, MHIP in hmeichhiate leh mi chanhaite tana hma an lakna ropui a tih thu a sawi a. C. Lalchhandami, Corporator, AMC Ward III chuan MHIP in an thil tumah ‘Mite Tanpui’ tih an hman angin, MHIP hmalaknate hi Pathian rawngbawlna pawimawh tak a nih thu a sawi bawk.
Ramhlun Vengthar Branch MHIP hi 1977 a din niin, an building luah lai hi kum 1983 khan an luah tan a. Sak belh zel niin tunah hian chhawng thum a awm a. Chhungkaw khat leh dawr pali a awm a ni. A chung berah hian Committee Room hi sak niin, loan, member te thawhkhawm, MLA Fund leh AMC Property Tax atanga sak a ni.