Shakira-i’n a pasal hlui Gerard Pique a deusawhna video chuan YouTube-ah record a siam.
‘Out of Your League’ video hi tlangzarh atanga darkar 24 chhungin vawi maktaduai 63 chuangzet view niin, heti ang hun chhunga Latin hla view nasat ber record ni zuii, YouTube viewing record a siam chiang hle.
Shakira (45) leh a pasal hlui, Barcelona footabller hlui ni bawk Pique (35) te hi kum sawm an inneih hnu ah 2022 khan an inthen a, fa pahnih an nei.
Minute 4 vel awh he hla hi Shakira leh Argentinian producer leh DJ Bizarrap te thawhdunna hmasa ber a ni a, Shakira chuan hla thu pakhatah a pasal hlui chu Gym-a insawizawi peih ta, Thluak sawizawi thatchhe leh si,’ tiin a sa a ni.
Nikum June thla khan nupa anga kal zel thei an ni tawh lova, an remtihna anga an inthen thu thuchhuah siamin an tarlang a, an fa pahnih Milan (9) leh Sasha (7) te tan nu leh pa tha tak an nih zel tur thu an sawilang bawk.